මුලින්ම සමාව ඉල්ලනවා පහුගිය ටිකේ මුකුත් ලියන්න බැරි උනු එක ගැනත් ආසන්න දවස් කීපයක මේ බ්ලොග් අඩවිය ක්‍රියාත්මක නොවීම ගැනත්..

මැයි 18න් පස්සෙ අද තමා ඔන්න ලිපියක් ලියන්‍න ‍හැකියාවක් ලැබුනෙ. ලිපි එකතු කරන්න බැරි‍ වෙන්න ප්‍රධාන හේතුව විභාග. ඒ එක්කම ලේසි පහසු නැති පැවරුම් (assignments). අපේ සහෝදර ‍සිසු සිසුවියන්ගෙ බ්ලොග් සමහරකත් තත්ත්වය මේකම තමා.

විභාග ඉවර උනයි කියලා හිතට නිදහසතක් ලැබුනේ නැහැ. අපේ CSRU (CompSoc Research Unit) එකෙන් අත ගහපු අලුත් වැඩකටත් සෑහෙන්න වැඩ කරන්න උනා. ඒ ගැන විස්තර පස්සේ වෙලාවක කියන්නම්.

මේ අඩවිය ඇතුලු අඩවි කීපයකටම පොඩි ඇබැද්දියකට මූන දෙන්න උනා පහුගිය ටිකේ. දැන් ඒ ගැටළුවෙන් ටිකක් මිදිලා ඔන්න. කොහොම්න් කොහොම හරි අද සෑ‍හෙන කාලෙකට පස්සෙ අඩවිය දැක්කම පුදුම සතුටක් ඇති උනේ, මොකද පහුගිය දවසක සයිට් එකත් නෑ හරිහමන් බැකප් එකකුත් නෑ වගේ ගැටළුවකට මූන පාන්නත් උනු නිසා.

මේ අතරේ අපේ ප්‍රථම වසර ඉවර උනු එකත් ටිකක් හිතට දැනෙන කාරණයක්. අලුත් නංගිලා මල්ලිලා පිරිසක් ආවත් එක්කම අපිත් ‍ජ්‍යේෂ්ඨයන් පිරිසක් බවට පත් උනා. වෙනදා අක‍්කේ අයියේ කියලා විතරයිනෙ කටේ තිබුනෙ. නංගි මල්ලි කියන එක කටට නුහුරුයිද මන්දා. කොහොම නමුත් ඔවුන් ආපු 28 වෙනිදා. පහුගිය අවුරුද්දෙ අපිත් එහෙම ආපු හැටි අගේට හිතේ මැවුනා.

ලියන්න ගොඩක් දේ හිතේ තියනවා. ටික ටික ලියන්නම්. ඒ වගේම කියවන ඔබ දැනගන්න රුචියෙන් ඉන්න දේ තියනවනම් සඳහනක් දාල යන්න. මම හරි කැමතියි දැනුම කා එක්ක හරි බෙදා ගන්න.

විශේෂයෙන් කියන්න දෙයක් තියෙනවා. මතක ඇතිනේ මම දවසක් පොඩි සර්වේ එකක් ගැන සඳහන් කළා. ඒක එච්චරම සාර්ථක උනේ නැහැ. කෙසේ වෙතත් ඒ‍කේ ප්‍රථිඵල කීප දෙනෙක් ඉල්ලලා තිබ්බනේ. කැමති කෙනෙකුට ලබාගන්න පුළුවන් මෙතනින්. මම සමාව ඉල්ලනවා මෙච්චර කාලයක් ප්‍රමාද වීම ගැන.


6 Comments

මාධව හබරකඩ · July 30, 2010 at 8:40 am

මමත් ඉල්ලුව. ම්ම එක බාගත්ත, ස්තුතියි.

    Sanjaya · July 30, 2010 at 12:11 pm

    මම ඊ මේල් එකකුත් දැම්මා.. කොහොමහරි ගත්තනම් එච්චරයි 🙂

රවින්ද · July 30, 2010 at 11:05 am

විභාගෙ ඉවර වෙලත් තාම අපිට නම් වැඩ ඉවරයක් නෑ. තව Assignment තියනවා. මට මේ තව පෝස්ට් එකක් ලියාගන්න බැරි උනා.

    Sanjaya · July 30, 2010 at 12:13 pm

    ඕහ් තාමත් වැඩද….? මේ සැරෙත් නිවාඩුවක් නැතිවෙන හැඩයි එහෙනම්

කණිෂ්ක · July 30, 2010 at 10:06 pm

එනකො‍ට කට්ටිය කොරහත් බිඳංනෙ එන්නෙ 😀 අන්න ලක්ෂිතටත් බ්ලොග් එක මතක් වෙලා තියෙන්නෙ 😀

Dharaka · August 15, 2010 at 8:09 am

හ්ම්ම්…. මමත් බ්ලොග් එකක් පටන් ගන්න ඔනා….

Leave a Reply

Your email address will not be published. Required fields are marked *