තාක්ෂණික

Toshiba Satellite A505-S6960

ලංකාවෙ HP වගකීම මෙහෙමයි | HP warranty in Sri Lanka

16

කලින් ලිපියට සති 2කට පස්සෙ මේ ලිපිය එකතු වෙන්නෙ. කලින් ලිපියෙ ඉතිරි ටික ඊලඟට ලියවෙන්න ඕන නිසාත් ඒක ‍ටිකක් දිග කථාවක් නිසාත් තමා මේ ලිපිය ලියන්න පටන් ගන්න ටිකක් පරක්කු උනේ මොකද මේකෙ දිග මතක් වෙනකොට කම්මැලි හි‍තෙනවා පටන් ගන්න.

හරි මම කීවානෙ “ලැප ගත්තු ‍කඩේ එක්කත් කොක්කක් වැටුනා” කියලා ඒක තමා මේ කියන්න යන්නෙ.

ලැප අරන් ටික දවසකින් පොඩි ගැටලුවක් මතු උනා. මේකෙ තියෙන‍වා ටච් බට්න් වගයක් සද්දෙ අඩු වැඩි කරන්න, මීඩියා ප්ලේයරය පාලනය කරන්න ‍එහෙම. අරන් ටික දවසකින් සද්දෙ එකපාරට වැ‍ඩි වෙන්න උනා වෙලාවක. මාර කේස් එක දැන් මොකෝ කරන්නෙ. ටච් බට්න් තියෙන හරිය පිහල එහෙමත් බැලුවා. ගෙනාපු දවස් වලම වින්ඩෝස් 7 දැම්මා ඒක එක්ක ආපු විස්ටා මට හරියන්නැති නිසා. මේ ගැටඵවට මෙහෙයුම් පද්ධතියෙනුත් බලපෑමක් නැහැ උබුන්ටු වලදිත් ‍මෙ‍හෙමම උනා.

HP DV6-1030US - මෙන්න ඒ ලැප

HP DV6-1030US - මෙන්න ඒ ලැප

ගැටළුව ගැන තවත් කියනවානම් මේ ප්‍රරශ්නෙ එන්නෙ ටිකක් රත් උනාම. අපරාදෙ කියන්න බෑ රත් වෙන එක නම් හොඳට වෙන‍ව‍ කීබෝඩ් එකට අතවත් තියන්න බැරි වෙන තරමට. ඉතින් ඔන්න එක පාරට සද්දෙ වැඩිවෙන්න ගන්නවා, ‍ස්ක්‍රීන් එකේ වැටෙවා ටච් බට්න් වලින් සද්දෙ වැඩි කරනකොට එන‍ව වගේ එකක්. සද්දෙ විතරක් නම් බැරියැ Wi-Fiත් එහෙමයි. හිටි ගමන් කනෙක්ට් වෙන‍වා ආයේ ඩිස්කනෙක්ට් වෙන‍‍වා. blue screen එනවත් එක්ක. (ඒක නම් windows 7 beta version නිසා කියල හිතමුකෝ).

Blue Screen

Blue Screen

ඩ්‍රයිවර්ස් මාරු කලා, ඔහොම කරන්න පුළුවන් හැම ‍ප්‍රතිකර්මයක්ම කරලා බැලුවා.

අන්තිමට අරගෙන ගියා ගත්තු තැනට. ඒකෙදි මම ලැප දිග ඇරියාම කිසි අවුලක් නැහැ අගේට වැ‍ඩ. මම පැහැදිලිව කීවා OS එකේ බලපෑමක් නැහැ කියලා. ඉතින් ඔන්න බලලා ‍දවස් 2කින් ද කොහෙද දෙන්නම් කියලා ගත්තා.

‍ආයෙ ගිහින් බලනකොට ම‍ගේ ඇහිල්ලක් බැලිල්ලක් නැතිව ‍ෆොර්මැට් කරලා විස්ටා දාලා. ගියාම කියනවා “ආ ඔයා නේද සර් අර 7 දාල blue screen එනවයි කියලා ලැපක් දීලා තිබ්බෙ” කියලා. ඔන්න ඉතින් එතන බලනකොට අගේට වැඩ. මාත් හරි සතුටින් අරන් ගියා ගෙදර.

ඔන්න රෑ ආයෙ ගැටළුව එනවා. මට මල ඉතින්. මොනා කරන්නද. එලකිරි එකේ කට්ටියගෙනුයි, අපේ සීනියර් සුපුන් අයියාගෙනුයි, තරංග අයියාගෙනුයි හැමෝගෙන්ම අහල ඔන්න තීරනය කලා ලැප ගෙනියන්න බොරැල්ලෙ දේවි බාලිකා එක ගාවා VCS එකට, HP සර්විස් ඒජන්ට් කෙනෙක්.

පසිඳුත් එක්ක ගියා ඔන්න. තැන හොයාගන්න අමාරු උනේ නැහැ. ගෙයක් තමා එයාල අරගෙන තියෙන්නෙ. A/C කරලත් නැති නිසා ලැප දිගඇරිය ගමන්ම ප්‍රශ්නෙ ආවා. මට සතුටුයි මොකද ප්‍රශ්නෙ පෙන්නන්න පුළුවන්නෙ. එයාල හරස් ප්‍රශ්න නැතිව බලලා ප්‍රශ්නෙ තේරුම් ගත්තා.

ඊගාවට ලැ‍පේ සීරියල් නම්බර් එක එයාලගෙ පරිගණ‍කෙට ඇතුලත් කරලා (ඉන්වොයිස් එකවත් ඉල්ලුවෙ නෑ කලින්) කියනවා “ආ සර් මේකට වොරන්ටි තියෙනවා” කියලා. ආයෙ ටිකකින් කියනවා, “මේකෙ පාර්ට් එක ඉම්පෝට් කරලා ආපුවහම තමා දාන්න වෙන්නෙ. ඒත් සර් මේක US product එකක්. අපිට එන්නෙ Asia Region එකේ ඒවල පාර්ට්ස් විතරයි. HP එකෙන් රිජෙක්ට් උනොත් කරන්න දෙයක් නෑ”

මට හොඳටම තරහ ගියා එවෙලෙ. “ඒක හරි කථාවක්නෙ රු xxxxxxක් HP එකට දීලා මේක පිස්සු නටන හැටි ගෙදරට වෙලා බලන් ඉන්න ඕනෙද මම? අරගෙන දවස් 20ක් නෑ ” කියලා මම කීවා.

“හරි සර් අපි කොහොමහරි කරලා දෙන්න බලන්නම්. අපි නුදුන්නත් ගත්තු තැනින් ‍වොරන්ටි ‍දෙන්න ඕනෙ”කීවා.

මම එවෙලෙම ලැප ගත්තු කඩේට කෝල් එකක් දීලා ටිකක් තදින් කථා කලා. එයාලත් VCS එකේ හි‍ටපු කෙනෙක්ටත් කථා කරල එහෙම වැඩේ කොහොම හරි කරල දෙන්නම් කීවා.

දවස් 2කට පස්සෙ ඕන් එයාල කෝල් කරන්නම් කීවට කථා කලෙත් නැති නිසා මමම කථා කලාම කීවා “ඇතුලෙ ‍ශෝර්ට් එකක් තිබිල තියෙන්නෙ. ඒක හදල තියෙන්නෙ” කියලා. ඔන්න ඉතින් ගිහින් බැලුවාම වැඩේ හරි. ගෙදර ගෙනාවාම ආයෙ එනවා මෙන්න. මට මාර තරහයි දැන්. ප්‍රශ්නෙ එන හැටි වී‍ඩියෝ එහෙම කරගෙන ආයෙ පස්සෙ දවසෙ අරන් ගියා කඩේට. එදත් වෙනද වගේම එකෙක් කට ගහගෙන ආව එක එක ඒවා කියාගෙන. ‍මාත් ඉතින් හොඳට කථා කලා වෙන ද ව‍ගේ නැතිව :) . මොකද ‍මේක දැන් හොඳින් ‍බේරගන්න පුළුවන් එකක් නොවන බව තේරුණු නිසා.

“මොකටද මේක VCS ගෙනිච්චෙ. අපි හරහා නොගියම ඒගොල්ලො ගණන් ගන්නෑ” කියල බොරුවක් ඇද බෑව එකෙක්.

ඉතින් ඔන්න ආයෙ කවදද මන්දා දෙන්නම් කියලා කීවා. ඉතින් දවසක් මම කෝල් කලාම රිසෙප්ෂනිස්ට් කෙල්ල කීවා “සර් ඒක ‍රෙඩි වෙලා තියෙන්නෙ, ඇවිත් අරන් යන්න” කියලා. මම ආයෙත් පසිඳුවවත් අඬගහ‍ගෙන කඩේට ගියා. ඔන්න දැන් මෙයාල කරුකුරු ගානව. මට හොඳටම තේරුනා මේක ‍DMS ගෙනිහින් නැති විත්තිය.

දැන් ඔන්න කියනව තව ඒක බලන්න ඕන අරක මේක කියලා. මොන එ‍හෙකටද එහෙනම් එන්න කීවෙ?මේ අතරෙම ගාල්ලෙ ඉඳන් ආපු කෙනෙක්ටත් ‍මේ ව‍ගේම වැඩක් වෙලා. මෑනුත් පලු යන්න බයින‍වා. මාත් ඉතින් ඒකටම අල්ලල බැන්නා.

මගෙන් ඇහුවා මම කොහෙද කියලා. මම කීව ඉතින් මීරිගම කියලා හරියට මේකටම ‍කොලඹ ආව ව‍ගේ. (කැම්පස් එකේ ඉඳන් රු.6යි කියන්න ඕ‍න නෑනෙ).

ඔන්න එදා හිස් අතින්ම ගෙදර ආවා. පස්සෙ ලැප ‍DMS යවලා ෆොර්මැට් කරලා විස්ටා එහෙම දාලා අගේට තියනව. වෙන කියන්න මුකුත් නැති නිසා ඒක අරගෙන ආව. ආයෙ ඉතින් ප්‍රශ්නෙ එහෙමමයි කියල අමුතුවෙන් කියන්න ඕනි නෑනෙ.

Windows has recovered from an unexpected shutdown

Windows has recovered from an unexpected shutdown

ආයෙ ගෙනිහින් මම මදින්ම කීවා “එක්කො මට වෙන ලැපක් දෙන්න. නැත්නම් සල්ලි ආපහු දෙන්න ” කියලා. වෙන එකක් දෙන්න බැරි හේතුවට කියන්නෙ දැන් ඒ ‍මොඩ්ල් එක එන් නෑලු. එතන වැදගත් යැයි පේන කෙනෙක් ලැපක් ගන්න ඇවිත්. මම කෑගහනව මෑනුත් පොඩ්ඩක් බැලුවා. ‍ටක් ගාල ඒකෙ කෙනෙක් “හරි සර් අපි මේක හදනකම් බැකප් එකක් දෙන්නම් කියලා AMD processor එකක් තියෙන පට්ට ගහපු Toshiba ලැපක් දුන්නා. ඒකට මොන‍වා හරි උනොත් ඒකටත් මම වගකියන්න ඕනිනෙ කියල ගන්න අදිමදි කලා. කොහොම හරි ඉතින් ඒක අරන් ඇවිත් උබුන්ටු එ‍හෙමත් දාලා පාවිච්චි කලා.

ගිය අවුරුද්දෙ ‍දෙසැම්බර් 4,5 ටෙක්නොමැක්ස් ප්‍රදර්ශනේ. ඉතින් මම කලින්ම ඔය ‍කඩේ මෑන් කෙනෙක්ට කියලා තිබ්බා මට එදාට කලින් ඕනෙ කියලා. මෑන් පොරොන්දු උනා දෙන්නම් කියලා. කෝල් කලාම මෑන් මරු කථා කියන්නෙ “මචං බඩු එන පරක්කුව තමා තියෙන්නෙ. සිංගප්පූරුවෙ ඉඳලා කුරියර් කරලා එවන්නෙ” කීවා දවසක්.

ප්‍රදර්ශනේ සිකුරාදා. බදාදා දෙන්නම්  කියලයි ‍පොරොන්දු උනේ. ඉතින් ප්‍රදර්ශනේට බඩු වගයක් ගන්නත් එක්කලා සුරේන් අයියත් එක්ක තරංග අයියගෙ කාර් එකේ ‍කොළඹ ආවා. එනකොට 1ට විතර ඇති. සුරෙන් අයිය ඇඟපත ති‍යෙන කොල්ලනෙ :) ඉතින් මට කථා කරන්න පැකිලෙන්න ඕනිත් නැහැ.

රිසෙප්ශනිස්ට්ට මාව දැකලම මතකයි. මම ගියාම අහනව “ඇයි ආයෙ ප්‍රශ්නයක් ද ?”මම කීවා “නෑ මම ලැප අරන් යන්නයි ආවෙ කියලා.”

දැන් ඔන්න ආයෙ කරුකුරුව. මම කීව ” ඒව හරියන්නෑ. එක්කො මට වෙන ලැපක් දෙන්න. නැත්නම් සල්ලි ආපහු දෙන්න” ආ‍යෙත් එක එක ඒව කියෝනව. මම කීව ” අද දෙන්නම් කියලා Mr.Sxxxxx ‍පොරොන්දු උනානෙ. අද මට ලැප ඕනෙ” කියලා. සුරේන් අයියා ශේප් එකේ කථාව “අනේ මල්ලි ඕක කරල දෙන්න දැන් දවස් ගානක් මේ මල්ලි ආවනෙ”.

බඩුගන්නත් ඕන නිසා අපි ගියා ටිකකින් එන්නම් කියලා. 5‍ට විතර ගියාමත් එහෙමමයි. හැබැයි Mr.Sxxxxx ඇවිත් හිටියා. ‍කෙනෙක් කීවා “පොඩ්ඩක් ඉන්න අපි සර්ට ‍වෙන එකක් දෙන්නම්” කියලා. රිසෙප්ශනිස්ට් කියනව ” same configuration තියෙන white එකක් ‍තමා දෙන්නෙ” කියලා. මම කීවා “white හරියන්නෑ black ගත්තෙ black ඕනි නිසා blackමයි ඕනි” කියලා.

ටිකකින් තව කෙනෙක් ආව. මාත් එක්ක කථා කරලා ‍බේරෙන්නම බැරි තැන showroom එකට එක්කන් ගියා කැමති එකක් තෝරගන්න කියලා. මෑන් හොඳින් කථා කලාට එතෙන්දි ගණන් ගැන බොරුවක් කළ බව මම ඔප්පු කරලම පෙන්නුවා. price list එ‍කේ තියෙන ගාන‍ටත් වැඩි ගානක් මෑන් කී‍වෙ එක ලැපකට. මෑන්ට හොරෙන් වෙන් කෙනෙක්ගෙන් price list එකක් අරන් බලල මම මෑන්ට ඒක ‍පෙන්නුවා. කට උත්තර නෑ.

කොහොමහරි ලැප ගන්න කලිනුත් මම බලපු Toshiba එකක් තිබ්බා. මෑන් ඒකට සාධාරණ ගානක් කීවා. ඉතින් මම ඒක ගන්න එකග උනා. තව රු.6000ක් දීලා ඒක ගත්තා. Toshiba බෑග් නෑ එයාල ලඟ. ඉතින් ‍ඔරිජිනල් ‍ලෙදර් HP බෑග් එකක් දෙන්නම් කීවා.ඉතින් මම තාමත් back pack එකේ දාගෙන යන්නැති දවසට HP බෑග් එකේ Toshiba ලැප දාගෙන යනවා.

ඔන්න ඔහොමයි වොරන්ටි “ගත්තෙ”.

Toshiba Satellite A505-S6960

Toshiba Satellite A505-S6960

අලුත් ලැපේ බරයි, කැමරාවයි හැර අනෙක් ඔක්කොම ‍හොඳ මට්ටමක තියෙනවා.

මරුම වැඩේ කියන්නෙ පෙබරවාරි අග, මාර්තු මුල වගේ දවස් 2ක කොල් 2ක් දීල එකම කථාව කියනව.

“සර් ලැප් එකක් දුන්න නේද ‍‍ටච් බට්න් වල අප්සෙට් එකක් කියලා. ඒක රෙඩි වෙලා ති‍යෙන්නෙ ඇවිත් අරන් යන්න”

Using Gmail "Check using POP3"

ඔබේ ඩොමේන් එකට නොමිලේ ඊ මේල් පහසුකම්

3

මාතෘකාව දැක්ක ගමන් යම් කෙනෙක් කියන්න ඉඩ තියෙනවා ” ඕක හිතන්න දෙයක්ද, ම‍ට ඩොමේන් එකකුත් තියෙනවා, හොස්ටිනුත් තියෙනවා, ඒකෙන් ම‍ට ඕන තරම් ඊ මේල් ගිණුම් හදාගන්නත් පුළුවන්” කියලා. හැබැයි පොඩ්ඩක් හිතන්න.

  • වෙබ් හොස්ටින් කරන කෙනා හිටි ගමන් අතුරුදන් උනොත්?
  • වෙන හේතුවක‍ටවත් කවදා හරි සර්වර් එක මාරු කරන්න වුනොත් ?

වැ‍ඩේ ‍ටිකක් අමාරු වෙනවා. ඊට ව‍ඩා හොඳ නැද්ද වෙන දන්න කියන තැනක ඊ මේල් ‍හොස්ට් කලොත්? :)

හරි මේකට අපිට නොමිලේ ලබා ගන්න පුළුවන් ‍සේවා කීපයක් ති‍යෙනවා.

  • සරලව Gmail සමඟ තමන්ගේම ගිණුම භාවිතය
  • ගූගල් ඇප්ස්
  • Windows Live Admin Center
  • Maillier.com (මේක මම නම් භාවිතා කරලා නැහැ)

සරලව Gmail සමඟ තමන්ගේම ගිණුම භාවිතය

Using Gmail "Check using POP3"

Using Gmail "Check using POP3"

Gmail settings වල  Check using POP3 කියන එකෙන් තමන්ගෙ ඩොමේන් එකට අදාලව හදාගෙන තියෙන ඊ මේල් ගිණුම් Gmail හරහා භාවිතා කරන්න පුළුවන්. ගිණුම් 5ක් දක්වා එකතු කරගන්න පුළුවන් මේක‍ට. මේක සරලව කරගන්න පුළුවන් දෙයක්. පෞද්ගලික ඩොමේන් එකකට ඒ හොඳටම ඇති.

ගූගල් ඇප්ස්

ගූගල් ඇප්ස් වලින් ඊට එහා දෙයක් කරගන්න පුළුවන්. Google Apps Standard Edition නොමිලේ දෙන සේවාවක්. ඊ මේල් ගිණුම් 50ක් දක්වා ‍නොමිලේ ලබා දෙනවා.

http://www.google.com/apps/intl/en/group/index.html

Google Apps Standard Version

Google Apps Standard Version

  • සාමාන්‍ය Gmail ගිණුමක වගේ 7GB + ඉඩක්
  • ඇමුණුම් වල ප්‍රමාණ‍ය උපරිම වශයෙන් 25 MB
  • එක ගිණුමකින් දිනක‍‍ට ඊ මේල් යවන්න පුළුවන් උපරිම බාහිර ලිපින ගණන 500ක්

මේකෙන් තියෙන තව වාසියක් තමා Google වල තවත් ව‍ටිනා සේවා කිහිපයක්ම ලබාගන්න පුළුවන වීම.

  • Calendar
  • Chat
  • Docs
  • Sites

තමයි එම සේවාවන්.

මෙන්න Admin Panel එක

Google Apps administration panel

Google Apps administration panel

Windows Live Admin Center

මේකෙදි ඊ මේල් ගිණුම් 500ක් දක්වා ‍නොමිලේ දෙනවා. මදි නම් තව ඉල්ලන එකයි ඇත්තෙ. මම දැකපු හොඳම Customer Service එක තමා මෙයාලගෙ Customer Service එක.

Live Admin Center

Live Admin Center

https://domains.live.com/

Windows live ID භාවිතා වෙන ඕනි තැනක මේ හදාගන්න ID එක පාවිච්චි කරන්න පුළුවන්. උදා : MSN Chat

Maillier.com

මේක මම නම් භාවිතා කරලා නැහැ කියලා කීවානේ. පෙනුමෙ හැටියට ප්‍රසිද්ධ Open Source Web Mail Application එකක් පාවිච්චි කරන්නෙ. වැඩිය සීමාත් නෑ ව‍‍ගේ.

කල්පනා කරලා සුදුසු ‍දේ තෝරා ගන්න.

Windows Live Admin Center

Go to Top